అల్లంబెల్లం చట్నీ రెస్పీ

     

అల్లంబెల్లం చట్నీ రెస్పీ:- 

1అల్లం ఒక చిన్నకప్పు, 

2. బెల్లం అంతే కప్పు.

3.మినప్పప్పు- 2స్పూన్స్ 

4,. ఆవాలు 1స్లూన్.

5. ధనియాలు-3స్పూన్స్.

6.మెంతులు 1స్పూన్ .

7. కొద్దిగా ఇంగువ.

8. ఎండుమిర్చి -4,5 [ కారాని బట్టి]

9. చింతపండు ఒక [ అదేకొలత] కప్పు.

10. ఉప్పు- తగినంత.

తయారుచేసేవిధానం -  ముందుగా మూకుడు స్టౌ మీద ఉంచి వెలిగించి 4 స్లూన్స్ నూనె వేయాలి. నూనెకాగాక పోపుసామానంతా వేసి బాగా బంగారు రంగువచ్చేవరకూ వేయించి, పక్కన పెట్టుకోవాలి. ముందుగా చింతపండు నీళ్ళలో నానబెట్టి ఉంచుకుని నానాక గుజ్జుతీసి ఉంచుకోవాలి, పోపుసామాను 

మిక్సీలోవేసి గ్రైండ్ చేసి , బాగామెదిగాక అల్లం వేసి అది మెదిగాక చింతపండు గుజ్జు, బెల్లం [తురిమినది] , ఉప్పు వేసి గ్రైండ్ చేసుకోవాలి, తగినంత నీరు పోసి గరిట జారుగా చేసుకోవాలి. ఇది ఇడ్లీల్లోకి, వడల్లోకీ, దోసె, బజ్జీ , చపాతీ, పూరీల్లోకి కూడా చాలారుచిగా ఉంటుంది.

ఒకమారు తిన్నారంటే వదలరు. చేసి చూస్తారుగా! 

హిమాలయం

                 హిమాలయం
                ------------

        పర్వతం  పర్వతం-హిమాలయపర్వతం
                           హిమ మయమీ పర్వతం 

     1.చల్లదనం - తెల్లదనం 
      స్వచ్చ మైన ఔన్నత్యం 
       హిమాలయం పెన్నిధి 
       భరతావని  నున్నది                                          : పర్వతం:  
                              2.జీవ నదుల జన్మ స్థలి      
                                మునులకిది  తపోస్థలి 
                                వన మూలిక లందించే  
                                వన దేవత నిలయమిది                :పర్వతం:  
                                               3.ఘనమైన లొయలతో 
                                                  గొప్పపుణ్య తీర్ధాలతొ
                                                  అలరా రే శిఖరాలతొ 
                                                 నెలకొన్నది ఉత్తరాన       :పర్వతం:
                     4. మన ఎల్లగ నిలచింది  
                        మనజీవన దేవతైంది 
                        సహజ వనరుల ఖజాన  
                        కట్టనిమన కోట ఇది.                                   :పర్వతం: 

 

ఒక సమావేశంలో శ్రోతలకోరికపై హిమాలయం గురించీ ఆశువుగా చెప్పినకవిత.
                         
                                          

నేతగాని నేర్పితనం

                                         నేతగాని నేర్పితనం 
పట్టువదలని విక్రమార్కుడు చెట్టువద్దకు తిరిగివెళ్ళి , చెట్టుపైనుండీ శవాన్ని దించి, భుజాన వేసుకుని ఎప్పటిలగే మౌనంగానదవసాగాడు.సవంలోని కరాళుడు " రాజా!ణీకు శ్రమకలుగకుండా ఒక కధ చెప్తా ను విను.తనకు ఎంతో ఆదాయం లభిస్తుందని తెలిసినా , తన వృత్తిలోని వారు సుఖపడాలనే మంచి స్వభావంగల నేత వీరయ్య కధవిను."అని ఇలాచెప్పసాగాడు 
                                   వెంకటగిరి సంస్థానంలో ప్రతియేటా తమ నగరపు నేతగాళ్ళు నేసిన జరీ పట్టునేత బట్టల ప్రదర్సన జరిపి అందరూ ప్రసంసించే బట్టలకు బహుమతు లీయడం'  రాజా రామ రాయలు 'వాడుక .ఆయేడాది ప్రదర్శనకు ఎన్నో రాజ్యాల రాజులు తమ అంతఃపుర రాణి వాసంతో తరలి వచ్చారు.  మహారాణులంతా అన్నింటికంటే అందమైన , విలువైన చీరలు ముందుగా తామే కొను బడిచేసి స్వంతం చేసుకోవాలనే ఉబలాటంతోఉన్నారు.రాజారామరాయలవారుపచ్చజండా   ఊపి ప్రారంభాన్ని చాటగానే సాధారణ జనంతోపాటుగా మహారాణులుసైతం,ప్రదర్శానలోకిజొరబడ్డారు .ఆఏటి మేటి చీరను తామే కొనాలని వారిపంతం.
               వెంకటగిరి సంస్థానంలో ఎంతోకాలంగా ' మంచి నేర్పరని ' పేరుగాంచిన నారయ్యమనుమడు  వీరయ్య నవయువకుడు.బాగాచదువుకుని, చిత్రలేఖనంలోనూ అందెవేసినచేయిగా పేరుగాంచాడు.తన తాతలనాటి వృత్తినే నమ్ముకుని  నేతలోమరింత  నేర్పరితనాన్ని తాత,తండ్రుల పని చూసి నేర్చుకుని , రాత్రింబవళ్ళూ శ్రమించి ఒక గంధపువన్నె జరీపట్టుచీరను నేశాడు. దాన్ని ఒక పెద్ద కొయ్య బొమ్మకు కట్టి  ప్రదర్శనలో ఉంచాడు.చీర కట్టినతీరు ఎంత చాక చక్యంగా ఉందంటే అతగాడు నేసిన ఉద్దేశ్యాన్ని చక్కాగా చూపుతోంది.ప్రదర్శకులంతా గుంపుగా చేరి దాని అందాన్ని చూడసాగారు.ముందుగా అక్కడి కి వచ్చిన ఉదయగిరిమహారాణిఆశ్చర్యంగాఅక్కడేనిల్చిపోయింది.బొమ్మఎడమభుజంపైనుండీ   నెమలి తల,పింఛం  క్రిందికి వచ్చి  చాతీమీదకుతల , కళ్ళు రాగా మెడ కుడి చేతిక్రిందనుండీ వెనక్కు పోయి , వీపుపైకి పొట్ట రెక్కలు వచ్చి ముందుకుచ్చిళ్ళపైకి నెమలి' పురివిప్పి 'ఉన్నట్లు అద్భుతంగాచూపరుల ను ఆకట్టుకుని కళ్ళు  త్రిప్పనీయకుండా చేసిన, ఆచీరకట్టినతీరుచీరఅందాన్నిపూర్తిగాచూపుతున్నది. 

                          మైసూరి మహారాణి వచ్చి చూసి ఆశ్చర్యంతో అచేతన ఐంది. మణిపురి రాణి,ఉదయ పురి రాణి, ప్రశాంతిపురమహారాణి  వచ్చి అలాగే నిల్చిపోయారు.ముందుగా వచ్చిన ఉదయగిరి రాణి , ఆచీరవెల అడిగింది.వీరయ్య " మన్నించాలి మహారాణీ వారు. ఇది మావెంకటగిరి రాణీవారికిఅర్పించనే  తయారుచేశాను.వెలకోసంకాదు. తమరి శలవైతే  మరొకటి తయారుచేసి సమర్పించుకుంటాను ." అన్నాడు వినయంగా.   ఉదయగిరిరాణి మరేమీ అనలేక " మంచిది నాకు వీలున్నoత స్వల్ప వ్యవధి లో ఇలాంటి చీరతయారుచేసి సమర్పించుకో. ఈచీర నేతకు ఎంత వెండి పట్టిందో దానికి రెండురెట్లు ధనం నేను ఇస్తాను." అంటూ,విచారించి  పదివేల వెండి రూకలు సంచీతో ఇచ్చివెళ్ళింది.
           ఆతర్వాత  విషయంవిన్న మైసూరురాణి "  వీరప్పా !నాకూ ఇలాంటి చీరేకావాలి.ముందునాకే నేసివ్వు" అంటూ 20వేల వెండినాణాలు ఇచ్చి పోయింది.తర్వాత మణిపురి, ఉదయపురి,ప్రశాంతిపురి రాణులు వచ్చి వరుసగా ముందుతనకే ఇవ్వాలని 40వేలు,80వేలు 160వేల వెండి రూకల సంచీలు ఇచ్చి పోయారు.వీరయ్యకు ఆయేటీ మేటి నేత గాని ' బహుమతి వచ్చినా ,భయంపట్టుకుంది ఆమహా రాణు లందరికీ ఎలా సరైనసమయానికి ' ఆనెమలి ' చీరలు నేసి ఇవ్వాలా అని .తన శక్తి సామర్ధ్యాలపై నమ్మక మున్నా , తాత తండ్రుల సాయంతో రాత్రింబ వళ్ళూ శ్రమించ సాగాడు. ముందుగా ఉదయగిరి మహారాణికి పంపాడు. అలా వరుసగా అందరికీ చీరలను త్వర త్వరగా  పంపాక , వారంతా తమతమ చీరలనుఇతరులతోపోల్చుకునిఅందరివీఒకేలాఉన్నాయోలేదోతాముఅడిగినట్లుతమకేముందుగాపంపాడోలేదోతెల్సుకోవాలనిఅనుకున్నారు.ఇంతలోవారoతాకల్సుకునేసమయంరానేవచ్చింది .అదే  మైసూరు  మహారాణి ' పుట్టినరోజు 'పండుగ. అంతా మైసూరుతరలివచ్చారు.దేనికైనా మంచిదని వారంతా చీర ల నేతగాడైన వీరయ్యను వెంటబెట్టుకురమ్మని కోరారు.వెంకటగిరిమహారాణి వీరయ్యను రమ్మని కబురం పింది.అంతా మైసూర్లో కలసి విందుభోజనాలయ్యాక తమవెంట తెచ్చిన వెంకటగిరి నెమలి చీరలను బయటికి తీశారు. మడతల్లోవున్న చీరలు ఒక్కోరిచీర ఒక్కో విధంగా కనిపించి , ఆగ్రహంతో వీరయ్యను పిలిపించారు." ఏం వీరయ్యా! ఈపనేంటి? మనరాజ్యపు పరువు తీశావు,మహారాజు గారికి అపకీర్తి తెస్తావా?  ఈచీరలనేతేంటి, ఇంత వ్యత్యాసంగాఉంది? అంతా ముందుగానే నీకు పైకంచెల్లిం చా రుగదా!" అని గద్దించింది వెంకటగిరిమహారాణి.
           " మహారాణీ! మన్నించండి , తమరు మడతల మీంచీ చూస్తే అలాగేఉంటుంది . తమరంతా వాటిని ధరించి చూడండి.తప్పుంటే శిక్షించండి ." అన్నాడు  వినయంగా వీరయ్య." అలాగే " అని మహా రాణులంతా  అంతః పురంలోనికెళ్ళి తమ, తమ చీరలు ధరించి వచ్చారు, వెంకటగిరిమహారాణి తో సహా.అంతా అద్దం ముందు నిల్చుని చూసుకున్నారు.అందరికీ చీరలు వీరయ్య కొయ్యబొమ్మకు కట్టినట్లే వచ్చాయి.  ఆశ్చర్యంగా  వారంతా వీరయ్యను చూడగా , వీరయ్య తమ ప్రభువైన ' వెంకట రిగి  రాజా రామరాయలు వైపు చూశాడు . ఆయనతలపంకించి , మీసమ్మెలేసి " భళీ! వీరయ్యా  ! నీ చాతుర్యo మహాగొప్పది " అని తన మెడలోని వరహాల హారాన్ని బహూకరిoచాడు. "మహా ప్రభో ! మహారాజు లందరికీ నాదొకమనవి , మైసూరు ప్రాంతం పట్టు తయారీకి నాణ్యమైనతావు , తమరూ మాప్రభువులలానేతగాళ్ళనుప్రోత్సహిస్తే ,మాకంటేఉత్తమమైన ,అందమైనచీరలునేయగలరు  ,బహుదూరం నుండీ మీరు వచ్చేశ్రమ తప్పుతుంది, మాకూ సుదూరప్రాంతాలకు సత్వరమే అందించే కష్టమూతప్పుతాయి. తమరు ప్రోత్సహించాలేగానీ  మీప్రాంతపు నేతగాళ్ళు తీసిపోయినవారేంకారు. నిన్నంతా తమరి రాజ్యంలో తిరిగి నేతపనులు చూసివచ్చాను.మన్నించండి ఎక్కువ మాట్లాడి నట్లు న్నాను.తోటినేతగాళ్ళ ఇబ్బందులు చూసి ఈమాటలు చెప్పాలనిపించింది.శలవు." అన్నాడు ఎంతో వినయంగావీరయ్య.అంతాతలలుఊపారు."వీరయ్యా!నీమంచిమనస్సుకుసంతోషిస్తున్నాం  .మాకుఇంతకాలంగా తోచని విషయాన్ని తెలియజేసినందుకు ఆనందంగాఉంది.  , నీతోటి వృత్తివారిపట్ల నీవు చూపుతున్న బాధ్యతకు , నీనిజాయితీకి ఇదిగో బహుమానం " అంటూ మైసూరుమహారాజు మరో హారాన్ని అందించాడు.  " ఇహ నీవు వెళ్ళవచ్చు " అని అనుమతించగానే వీరయ్య  తన ఊరికి గుఱ్ఱం మీదతిరుగు  ప్రయాణమయ్యాడు.

“"ఓ విక్రమాదిత్య మహారాజా!రామరాయలుకు ,వెంకయ్యకుమాత్రమేఅర్ధమైనఆరహస్యమేంటి? రాణులకు చీరలు మడతలపైనుండీ వేరుగా కనిపించినా చీరలు కట్టుకున్నాక ఒకేవిధగా నెమలిని చుట్టుకున్నట్లు  కనిపించాయికదా ! ఎందువల్ల? వీరయ్య చీరలను అందరికీ సరైన సమయానికి పంపాడా  ?ఎలా? తాను నేతగాడైనా  , తన ఆదాయంపోతుందని భావించక వీరయ్య , మైసూరు మహారాజుతో సహా అందరికీ తమ రాజ్యంలో నేతవారిని ప్రోత్సహించమని ఎందుకు సలహా ఇచ్చాడు ?    రాజా !ఈప్రశ్నలకు సమాధానంతెలిసికూడా చెప్పకపోయావో నీతల వేయివక్క లవుతుంది " అన్నాడు శవంలోని కరాళుడు.

                అందుకు విక్రమాదిత్యుడు   " ఉదయగిరిమహారాణి వెంకటగిరి రాణికంటే కొచెం మందం, ఆమెకంటే ఒక్కోరూ కొంచెంకొంచెం లావవటాన మడతల్లో ఉన్నచీరతేడాగాకనిపించింది.   కట్టుకున్నాక అందరూనెమలినిధరించినట్లే, చుట్టూనెమలి పురివిప్పినట్లే అద్దంలో తమను చూసుకుని మురిసి పోయారు..వారికి  తేడాలోనిమర్మo  అవగతంకాలేదు ,రాజాగారికితప్ప,ప్రతియేడదీ చీరలకు బహు మతులిస్తున్న అనుభవశాలిగనుక  . ఇహ వీరయ్య మంచి మనస్సు గలవాడుకావడoతో ,మైసూరు వెళ్ళినా అక్కడి తన లాంటి నేతగాళ్ళనుకలిసి వారి కష్ట సుఖాలు విచా రించి వారి వేదనను అర్ధం చేసుకుని  , వారికి సహాయం చేయగలనేమో అని మైసూరు మహారాజుగారికిఅలాచెప్పాడు  .అందరికీ ఒకే సారి చీరలను ఐదుమంది ద్వారాపంపాడు దగ్గరనే ఉన్న ఉదయ గిరికి  త్వరగా అందింది. దూర ప్రాంతాల వారికి  ప్రయాణ సమయాన్ని బట్టి అందింది.ఈవిషయంలో వీరయ్య తను చదివిన తెలివిని ఉపయోగించి వారుకోరిన విధంగా చీరలను అందించగలిగాడు.” అన్నాడు విక్రమార్కుడు .రాజుకు ఈవిధంగా మౌనభంగం కాగానే శవంతోసహా కరాళుడు మళ్ళీ చెట్టెక్కాడు.

               ****చంద్రబాల పిల్లలమాసపత్రికలో ప్రచురితం..****

తీరని కోరిక .

                                        తీరని కోరిక .

    " అమ్మా! ఎక్కడున్నావ్?" కొడుకు కుమార్,

               " అత్తయ్యగారూ!ఓమారిలావస్తారా?" కోడలు లావణ్య,

" బామ్మా! బామ్మా! ఐ నీడ్ యువర్ హెల్ప్.." మనవడు మనోజ్,

             " బామ్మా ! బామ్మోయ్ !నారూం కోమారు రావూ ప్లీజ్ !"మనవరాలు మనోరమ,

" అమ్మొగోరండీ అమ్మొగోరండీ! పెద్దమ్మగోరండీ!" పనమ్మాయ్ పార్వతీ,

                       "ఏమోయ్!ప్రియా!ఎక్కడున్నావ్?రిటైరయ్యాకగూడాబిజీయేనా?నాక్కాస్తమంచికాఫీతెచ్చిపెట్టకూడదుటోయ్?"  లాన్స్ లోంచీ భర్త భరద్వాజ్ పిలుపు.

ఎంతోకాలంగా  తనకున్న తీవ్రమైన తీరనికోరికను  రిటైరయ్యాక తీర్చుకోవాలనే ప్రయత్నంలో ఉన్న ప్రియ ...అదే ప్రియ మణి ,తనప్రయత్నాన్ని పక్కనపెట్టి , గదిలోంచిబయటికి వచ్చింది. 

" అమ్మా! నీవిప్పుడు రిటైరై ఖాళీగా ఉన్నావుగనుక ఇంటిమైన్ టనెన్స్ బధ్యత తీసుకోమ్మా! నాకు తీరికలేక ఇబ్బందిపడుతున్నాను.పిల్లలచదువులూ ,ఫీజులూ ,బ్యాక్ అకౌంట్స్ ఇంటిఅవసరాలన్నీ ప్లీజ్ !" అంటూ ఇంటిపెత్తనం కట్టబెట్టాడు కుమార్ చాలా తేలికగా. అన్ని బాధ్యతలూ తగ్గించుకుని రిలాక్స్ అవాల్సిన సమయంలో అరవైఏళ్ళప్రియమణికిపూర్తిఇంటిబాధ్యతతలకెత్తాడుముద్దులకొడుకు .   

     "అత్తయ్యగారూ! మీ అబ్బాయి చెప్తుంటే నోరూరు తుండేది! మా అమ్మ ములక్కాడ సాంబారు పెడితే ఊరు ఊరంతా వాసనకేనోరు  చప్పరించేవారని,మామయ్యగారు ఎప్పుడూ అంటుంటారు ‘మీ అత్తయ్యచేసినట్లుమామిడికాయపప్పుమరెవ్వరూచేయలేరని!’మీవంటనేనెన్నడూరుచిచూడనేలేదాయె!!వంటావిడఎంతబాగాచేసినామీచేతిరుచేరాలేదనినిత్యంవీళ్ళిద్దరూపోరటమే!అందుకేమీచేతివంటనేనూరుచిచూద్దామనివంటావిడ్నిమాన్పించేశాను.ఈరోజునుండీఅందరికీకడుపారాభోజనమేఅత్తయ్యాగారూ!" అంటూ మురిపించింది కోడలు లావణ్య.

" బామ్మా! ప్లీజ్ !నాకీ మాధ్ త్స్ అర్ధంకాక అల్లాడిపోతున్నాను. నాన్నెప్పుడూ ‘ మాఅమ్మమాధ్స్ లో ఫస్ట్ '  మాకూ చిన్నప్పుడు చెప్పేవారు ' అంటుంటాడు.నీవురిటైరయ్యావుటగా!నేనికటూషన్కెళ్ళను  . నీవేచెప్పాలి నాకు. " అంటూ వచ్చి చేతులుపట్టుకుని గారంపోయాడు మనవడు మనోజ్.

             " బామ్మా! బోమ్మోయ్ ! నీకు ఇంగ్లీష్ బాగా వచ్చుటగా అందుకే స్టేట్ బ్యాక్ లో మొదటిసారే మొదటి ర్యాక్ లో సెలక్ట్ అయ్యావుట. ఇంగ్లీష్ బాగారావటంవల్ల ప్రెమోషన్స్ వచ్చిసెంట్రల్ బ్రాoచ్ లోనే జనరల్మేనేజర్గా రిటైరయ్యావుట!నాకు ఇంగ్లీష్ చెప్పవా బామ్మా!  క్లాస్లోవెనకబడిపోతున్నాను.అమ్మా నాన్నా ఎప్పుడూ దొరకరు ,ఏడౌట్ అడుగుదామన్నా ,తాత ఇంట్లో ఉన్నా చెప్పరు.నావల్లకాదుతల్లీ ! బామ్మను రిటైర్ అవనీ అన్నీ చక్కబడతాయి ' అనేవారు బామ్మా ప్లీజ్ !" అంటూ గడ్డంపట్టుకుంది ఎనిమిదోతరగతి చదివే మనవరాలు మనోరమ.

               "పెద్దమ్మగోరండీ!మీరింటికాడుంటేఅన్నిపనులూనిమ్మళంగాసేసుకుపోదును,కోడలమ్మొగోరు సరసరా సేయమంటారాయె ,ఆఫీసేలైందనిగొడవాయె !మీరింటికాడుంటారనినాకుమాసంబరంరం గుండాది పెద్దమ్మొగోరూ!  ఈ పూలమొక్కలన్నెత్తుకెల్లి  బైట లానస్ కాడ నాటేయమంట్రేండమ్మొగోరoడా!!" అంటూ పనమ్మాయ్ పార్వతి  గబగబా చెప్పుకొచ్చింది. 

     " ఏమోయ్ ప్రియా! నీవెప్పుడెప్పుడు రిటైరై నాకు కమ్మని వేడివేడి కాఫీఅందిస్తావోని ఎదురు చూస్తున్నానోయ్! ఏదీ ఓకప్పు ప్రసాదిస్తావా?ప్లీజ్ " అంటూ మరోమారు కేకేశాడు భర్త భరద్వాజ్.  ఇంత మంది ఇన్నికోరికలూ తన రిటైర్మెంట్ తో ముడిపడి ఉండటాన్ని చూసి ఉస్సురంది ప్రియమణి ప్రాణం.'తాను ఎంతోకాలంగా తన కున్న తీవ్రమైన కోరిక తీర్చుకునేందుకై  ఈ రిటైర్మెంట్ కోసంఎదురు చూసింది,కానీఇప్పుడుమళ్ళీతనోవంటమనిషీ , ట్యూషన్ టీచర్,గృహిణిగాపాత్రలుపోషించాల్సిఉందన్న

మాట!తిరిగితనవైవాహికజీవితపుతొలిరోజుల్లోనిబరువుబాధ్యతలనుమరోమారునిర్వహించాల్సివస్తుందా!'  ఆఆలోచనతో నీరసం ఆవహించగా  అలాగే కూర్చుండిపోయింది ప్రియమణి. 

     ఆరోజునుంచీ ఇంటిల్లిపాదీ మహా లొట్టలేసుకుంటూ  భోజనాలు చేస్తున్నారు తృప్తిగా . పిల్లలకు ఇంట్లోనే తమ కిష్టమైనరీతిలో , ఇష్టమైన సమయంలో బామ్మ ట్యూషన్ చెప్పడంతో అటు ఇంగ్లీష్ లోనూ , మాథ్స్ లోనేకాక ఇటు అన్ని సబ్జెక్ట్స్ లోనూ క్లాస్  లో ఏ+ ర్యాంక్ సాధించి మహా ధీమాగా ఉంటున్నారు.  ఇంటిముందులాన్స్ చుట్టూతా కమ్మని పరిమళాల పూలతోట, వెనుక ఇంటివంటకోసం ఫ్రష్ గా లేలేత కూరగాయలకిచెన్ గార్డెన్,పనమ్మాయ్ పార్వతి కుటుంబసమేతంగా ఔట్ హౌస్ లోకి మారి రోజంతా పెద్దమ్మగోర్ని అంటుకు తిరుగుతూ కమ్మగా తింటూఒళ్ళొంచిపనిచేస్తూ,తనమనవడూ మనవరాళ్ళతోపాటుగాప్రియమణమ్మతనపిల్లలకూచక్కగాచదువుఉచితంగాచెప్తుండగామురిసిపోతూ ,ఆమురిపాన్ని ,కృతఙ్ఞతనూ పనులద్వారా చూపసాగింది పార్వతి.   

                       ప్రియమణిమాత్రంతన’తీరనికోరిక‘ఎప్పుడెప్పుడుతీరుతుందానిఎదురుచూస్తూబాధ్యలబరువులు

మోస్తూ రోజులుగడపసాగింది. మొదట్నుండీ ఏపని తీసుకున్నా దాన్ని ధృఢనిశ్చయంతో కృషిచేసిచేసి చక్కనిఫలితాలు చూపటం , తనకు అప్పగించిన పనిని ఏపొరపాటూ లేకుండా రాకుండాచూడటం ప్రియమణికి అలవాటు దాంతో ,  కుమార్  ఇంటిబాధ్యతలు తల్లికి అప్పగించి  హాయిగా రిలాక్సవుతూ ఉద్యోగబాధ్యతలు మాత్రంచూసుకోసాగాడు. ఇలాఉండగామెరుపులూఉరుములూలేని పిడుగులా అమెరికాలో ఉంటున్నప్రియమణమ్మకూతురు కౌముది ఓ ఫైన్ మార్నింగ్ ఫోన్ చేసి " ఏమ్మా! నీకోకూతురుందనీమరచావా?రిటైరయ్యాకనాకూకాస్తచేదోడువాదోడుగాఉండవచ్చుగా !నీకొడుక్కేనా

నీసహాయమoతా ?!ఈసమ్మర్కైనావస్తావాలేదా?సమ్మర్సెలవుల్లోనూమాపిల్లలుడేకేర్కెళ్ళాలా?ఆమాత్రంనాకుసాయంచేయకూడదా? నేన్నీకు అసలు కన్నకూతుర్నేనా ? లేక అన్నొక్కడేనా నీబిడ్డ ? నీవీ సమ్మర్ కురాకపోతే ఇహ ఇదే నా ఆఖరి ఫోన్ " అంటూ బెదిరించింది.  చేసేదిలేక ప్రియమణమ్మ అమెరికా పయనమైంది. “నేనువచ్చిఅక్కడహౌస్అరెస్ట్ఐకూర్చోలేను. నేనురానుగాక రాను. ఐనా అది నిన్నుపిలిచిందికానీ నన్నుకాదుగా! " అంటూతప్పుకున్నాడు భర్త భరద్వాజ్. 

ప్రియమణి ఒహోయో ఎయిర్పోర్ట్ లో దిగి అర్ధగంట వెయిట్ చేశాక వచ్చింది కూతురు కౌముది." సారీ మమ్మీ!సమ్మర్ కదా! రోడ్సంతా రిపేర్ , ట్రాఫిక్ జాం ఈ చికాగో జీవితం  చికాకులమయం " అంటూ తానుకోరిన ఆవకాయ , బెల్లపావకాయ , అల్లం పచ్చడి, మెంతావకాయ,వడియాలు, అప్పడాలు, ఉప్పు మిరపకాయలూ, మిరప్పళ్లకారం అన్నీ తెచ్చినట్లు నిర్ధారణైనాక తల్లి సరంజామాకారెక్కించింది.

     ఇల్లు చేరేవరకూ తనపిల్లలు ఏవేవి ఇష్టపడతారో , ఏఏస్వీట్స్ కోసం ఎదురుచూస్తున్నారో,అన్నీ వప్పగించసాగింది కౌముది తల్లికి .ప్రియమణి ' పెళ్ళికాగానే పిల్లలింత స్వార్ధపరులెందుకౌతారో !' అని ఆశ్చర్యపోయింది.  

           ఇల్లు చేరగానే " అమ్మమ్మా! " అంటూపిల్లలు చుట్టేశారు. వారిప్రేమకు ప్రియమణికి కంటనీరు తిరిగాయ్.కనీసం వీళ్ళైనా స్వార్ధ రహితంగా ప్రేమచూపుతున్నందుకు.ప్రతిరోజూ వాళ్ళుకోరినవి వండి పెడుతూ , వారిని దగ్గరే ఉన్న పార్కుకూ , వాల్ మార్ట్ కూ తీసుకెళుతూ, తాను వచ్చేప్పుడు ఫారిన్ ఎక్ఛేంజ్ లోతెచ్చిన డాలర్స్ ఖర్చుపెట్టి వారికి కావలసినవి కొనిస్తూ ఉండగానే రోజులు క్షణాల్లా గడచి ఆరునెల్లూఅర్ధక్షణంలోగడచినట్లుదొర్లిపోయాయి.పిల్లలస్కూళ్ళుతెరిచారు..చలితోపాటుగా ,ఇండియానుండీ ఫోన్స్ మొదలయ్యాయి. " చెల్లాయ్! అమ్మను పంపవే!చలిముదిరితే అమ్మ ఉండలేదు , పైగా నాన్నగారికీ ఇబ్బందిగా ఉంటున్నది , వేళకు అన్నీ అమర్చేవారు ఎవరున్నారు చెప్పు.మా ఆఫీసు గొడవల్లో మేమున్నామాయె!" అంటున్న అన్నతో " ఇవన్నీ చెప్పకురా!నీ విషయం నాకు తెలీదాఏం? పరమ స్వార్ధపరుడివి!నీకు వంటమనిషీ , తోటమాలీ, ఆయా, టూషన్ మాస్టర్జీతాలుమిగులుతాయని చెప్పరా! నమ్ముతాను." అంది కౌముది అన్నతో నిర్మొహమాటంగా.

    " ఏమే!నీవుమాత్రమేం తక్కువా? నీపిల్లలకు వేసవిలో డేకేర్కెళ్ళకుండా  , నానీ, కుక్ ఖర్చులు మిగల్లా! నీవేదో పెద్ద నిస్వార్ధ పరురాలిలా అమ్మమీద ప్రేమ మమకారం నయాగరాజలపాతంలా ప్రవహిస్తున్నట్లు నన్నేఅంటున్నావ్ ? అమెరికాలో ఉంటూ ఇద్దరూ డాలర్స్ సంపాదిస్తున్న నీకే ఖర్చులగురించీ అంత ఇదిగాఉంటే రూపాయ్ విలువపడిపోయిన మాకెంత ఇదిగా ఉంటుందో ఆలో చించు, అమ్మను వెంటనే పంపు లేకపోతే వచ్చేసమ్మర్ కు పంపనే పంపనుజాగ్రత్త!" అనిఫోన్ కట్ చేసేశాడు కుమార్.

 " ఈవెధవ అన్నమాటనిజంచేసినా చేస్తాడు అమ్మా! నీఫ్లయిట్  టికెట్ శుక్రవారానికి కన్ ఫాం చేసేస్తాను. ఆరోజైతేనేను వర్క్ ఫ్రం హోం నిన్ను దిగబెట్టను వీలవుతుంది సరా! వచ్చేసమ్మర్ కు తప్పకరావాలిమరి." అని గరేజ్లోకి వెళ్ళిపోయింది కౌముది కార్ తాళాలు తీసుకుని.                                    

            ఇండియాచేరిన ప్రియమణికి వాతావరణ మార్పిడి ,శ్రమ, ప్రయాణబడలికా అన్నీచేరి ఇల్లు చేరగానే రొంపపట్టుకుంది. దాన్నుంచీ కాస్త తట్టుకునేసరికి తన ఆఫీస్ నుండీవర్తమానం ….

" మీఅంత అనుభవఙ్ఞుల సేవలు మాకు మరికొంతకాలం కావాలి ,కన్సాలిడేటెడ్ శాలరీ ఇస్తాం ,వచ్చి చేరం" డంటూ. " రిటైరయ్యాక సంవత్సరానికి మళ్ళా ఈపిలుపేంటీ!? రావాల్సిన పి.యఫ్., LIC,అన్నీ వచ్చేశాయిగా!పెన్షనూఫిక్సైంది ,ఐనానీవిప్పుడువెళ్ళితిరిగిఉద్యోగంలోచేరిసంపాదించిఎవర్నుధ్ధరించా

లిట!చేయలేనని చెప్పమ్మా!ఈ ఆరునెలలూ ఇల్లు చక్కబెట్టే సరికి నా తలప్రాణం తోక్కొచ్చింది. ఇహ నావల్లకాదు " అన్నాడు కొడుకుకుమార్.  

" ఐనా నీవిప్పుడు ఆబరువుబాధ్యతలు తలకెత్తుకుని సంబాళించగలవాప్రియా!  బ్యాంక్  సెంట్రల్ ఆఫీసంటే మాటలా? అవన్నీ ఎక్కడపడతావ్ గానీ హాయిగా ఇంట్లో విశ్రాతిగా ఉండు. ఎందుకొచ్చిన న్యూసెన్స్?  " అన్నాడు భర్తభరద్వాజ్.    

            లోలోపల నవ్వుకుంది ప్రియమణి.' అందరికీ తనపై ఎంత ప్రేమ! రిటైరై తనెంత విశ్రాంతి పొందు తున్నదోఅందరికీ తెలీదా!ఇక్కడకొడుకు ,అక్కడకూతురుఅంతాతనపైఎంతప్రేమచూపుతున్నారో, తమ అవసరాల్నిఎలా బదలాయిస్తున్నారో ! చివరకుపెళ్ళిచేసుకుని ఇన్నేళ్ళూకాపురంచేసినభర్తసైతంతన విశ్రాంతిగురించీఎంతపట్టించుకుంటున్నాడో!అసలుపెళ్ళయ్యాకతనుఉద్యోగంమానేయాలనుకుంది.ఇల్లు చక్క దిద్దుకుంటూ ఇంటిని స్వర్గంలా ఉంచాలనుకుంది.ఉమ్మడికుటుంబం , మరుదులచదువులూ, మరదళ్ళ పెళ్ళిళ్ళూ అన్నీచేరి ' నీవిప్పుడు ఇంత మంచి ఉద్యోగం మానేస్తే ఈబరువుబాధ్యతలన్నీ ఒంటిచేత్తో ఎలా నిర్వహించగలను చెప్పు ప్రియా! నిజానికిఅసలునిన్నునీఉద్యోగంచూసేచేసుకున్నాను సుమా! ' అంటూ ఉన్ననిజాన్ని చెప్పి బలవంతంగా ఉద్యోగంలో కొనసాగించిన భర్తే ఇప్పుడు విశ్రాంతి పొందమంటున్నాడు ! మనుషుల్లో ఇంత స్వార్ధం ఉంటుందని ఊహించలేకపోయింది ప్రియమణి స్వార్ధానికి స్వపర బేధం లేదేమో! వింత ! ' అని నవ్వుకుంది.         

 ప్రియమణికి ఈ ఆలోచనలతో గుండెబరువెక్కి సన్నగా నొప్పిప్రారంభమైంది.రెస్ట్ తీసుకుంటే తగ్గిపోతుందని  వెళ్ళి పడుకుంది. మధ్యాహ్నానికి నొప్పి ఎక్కు వైంది." పెద్దమ్మొగోరండా!మీరులేక  పెరటితోటపూలమొక్కలన్నీ పోయాయండా! మల్లా ఏద్దారండా!" అంటూ గదిలోకివచ్చి గుండెపట్టుకుని మెలికలు తిరుగుతున్న ప్రియమణీనిచూసి "ఏంటైందండమ్మొగోరండా ! " అంటూ ఇంట్లో ఎవ్వరూ లేకపోడం గమనించి " ఒరేయ్ నర్శిగా !రిచ్చాకట్టరా!పెద్దమ్మొగోర్ని ఆస్పెటాల్ కి తీసుకెల్లాల" అంటూ మొగుడ్ని కేకేసి ఇల్లు తాళమేసి వచ్చి రిక్షాలో  దగ్గరే ఉన్న అలవాటుగా ఆఇంటివారెళ్ళే హాస్పెటల్కు ప్రియమణినితీసుకెళ్ళింది పార్వతి. వెంట వేంటనే పరీక్షలుచేసి , మందులూ వాడటాన ప్రమాదం తప్పిందని డాక్టర్స్ చెప్పాక ,మొగుడ్నితాళాలిచ్చిపంపితానుపెద్దమ్మదగ్గరుండిపోయిందిపార్వతి ."ఏమే పార్వతీ!నీవు పార్వతివికాదు నాప్రాణదాతవు !నాకిప్పుడు బాగానేఉంది, నీవూఇంటికివెళ్ళకపోయావ్ ?  నీపిల్లలూ బళ్ళనుండీ వచ్చేవేళైందికదా! " అంది ప్రేమగా పార్వతి చేతులుపట్టుకుని ప్రియమణి.

       " అదేంటి  పెద్దమ్మొగోరండా! మిమ్మల్నొంటరిగొదిలి నేనెట్టపోగల్దునమ్మా! ఉంటారోళ్ళునాపెనిమిటి ఇంటికాడికి  కెల్లిండు  గదమ్మో గోరూ!" అంది .

" అమ్మొగోరండా !మీరేమనుకోపోతే నాదో కోరిక ! తీరస్తరా!" అంది పార్వతికాస్తంత బిడియంగా.

" చెఫ్ఫు పార్వతీ నీకేమైన కావాలా?".  అడిగిందిప్రియమణి.

" అమ్మొగోరండా ! ఇటుచూడండా! మీకిట్టవైన  , మీరుకోతుకొంటన్న ఈ పని సేయాలని నాకనిపించి ఇయన్నీతెచ్చిన్నండా !" అంటూ ప్రియమణీని మెల్లిగా దిండుకానించి కూర్చోబెట్టి పక్కనే ఉన్నటేబుల్ పై తాను అమర్చినవిచూపింది పార్వతి.

అక్కడ పార్వతి తనింటిపనిమనిషి కేవలం తమకు పనిచేస్తున్నందుకు తామింత అన్నం పెట్టి , జీతం ఇస్తున్నందుకు , పనిమనిషిగాతామంతా పిలిచే పార్వతి , తనమనస్సెరిగి తనచిరకాలవాంఛితాన్నిలా నెరవేర్చను ఆమె చేసిన ప్రయత్నాన్ని చూసిన ప్రియమణి మనస్సు ఆనందంతోమైమరచిపోయింది  , ఆత్మీయత అనేది స్వార్ధంలాగే స్వపరభేదం తెలీనిదని అర్ధమైప్రియమణిమనస్సుపార్వతిపట్లమమత తోనిండిపోయింది. ఆహృదయభారాన్ని మోయలేని ఆమెశరీరం పక్కకు వాలిపోయింది.పక్కనే బల్లపై పార్వతి ఏర్పాటు చేసిన లక్ష్మీదేవి , వినాయకుడు, సుబ్రహ్మణ్యస్వామి ఫోటోలు ,వాటికి అలంకరించిన పూలమాలలూ, పండ్లు , కొబ్బరికాయ , సాంబ్రాణికడ్డీలు, కర్పూరం సహస్రనామాలున్నకొత్త  పుస్తకం  పార్వతిని చూసి ఫక్కుననవ్వాయి. 

                     వార్త ఆదివారం సంచికలో 19-8-2012 న ప్రచురితం.